संखुवासभा । संखुवासभामा पहिलो पटक केवा—सभाखोला सडकमा टाइम कार्ड लागू गरिने भएको छ ।
आज सोमबार जिल्ला प्रशासन कार्यालय संखुवासभामा प्रमुख जिल्ला अधिकारी सिर्जना थपलियाको अध्यक्षतामा बसेको बैठकले आगामी असोज १ गते देखि केवा—सभाखोला सडकमा टाइम कार्ड लागू गरिने निर्णय गरेको हो ।
जिल्लाको धर्मदेवी नगरपालिकाको केवाखोला देखि सभाखोला सम्मको १७.५ किमि सडकमा ४५ मिनेट कायम रहने टाइम कार्ड लागू गरिएको संखुवासभाको प्रमुख जिल्ला अधिकारी सिर्जना थपलियाले बताईन ।
संखुवासभाको सदरमुकाम खाँदबारी र धरान–विराटनगर—काठमाडौं जोडने मुख्य सडकको हो । उक्त सडकखण्डमा सवारी दुर्घटना दिनानुदिन बढर्दै गएपछि जिल्लामा पहिलो पटक टाइम कार्ड लागू गरिएको हो । उक्त बैठकमा यातायात ब्याबसायीहरु, उद्योग वाणिज्य संघ, प्रहरी, ट्राफिक प्रहरी, नागरिक समाज, सडक कार्यालय र पूर्वाधार विकास कार्यालयका प्रतिनिधीहरु र संचारकर्मीहरुको सहभागीता रहेको थियो ।
