संखुवासभा । जिल्लाको सदरमुकाम खाँदबारीमा २०८१ को तिहारको अवसरमा सांगितिक कार्यक्रम हुने भएको छ ।
तिहारको स्वागत स्वरुप लक्ष्मी पूजाको अघिल्लो दिन ‘दिपावली म्युजिकल ईभ’को आयोजना गरिएको हो । नागरिक चासो मल्टिमिडियाले आयोजना गरेको उक्त कार्यक्रममा गायक परेश राईसहित अन्य कलाकाहरुको प्रस्तुती रहनेछ । ‘मेरो भ्वाइस युनिभर्स’का फाईनलिष्ट परेश सहित उमङ लामा, अस्मी राई, सोनियल साम्पाङ, रामचन्द्र जिमी लगायतका स्थानीय कलाकारहरुको प्रस्तुती रहने आयोजकले जनाएको छ ।
कार्तिक १४ गते साँझमा हुने कार्यक्रमको प्रमुख प्रायोजन मनकामना सप्लायर्स तुम्लिङटार आधिकारिक विक्रेता रहेको टुबोर्ग रहेको छ । जिल्लामा आयोजना हुने कार्यक्रमले मनोरञ्जनँंगै पर्यटन र आर्थिक विकासमा समेत सहयोग पुग्ने विश्वास लिइएको नागरिक चासोका अध्यक्ष संयोगान्त कुलुङले बताए ।
कार्यक्रमको सञ्चालन सवित कुलुङ र खेवाहाङ मेवाहाङले गर्ने जनाइएको छ । कार्यक्रमको मिडिया पार्टनर नागरिक चासो अनलाइन र संखुवासभा एक्सप्रेस रहेको छ ।
