संखुवासभा । संखुवासभाको मकालु गाउँपालिकामा आयोजित अन्तरपालिकास्तरीय पुरुष भलिबल प्रतियोगिताको उपाधी षडानन्द नगरपालिका भोजपुरले जितेको छ ।
आज बिहिबार भएको फाइनल खेल भोजपुरको षडानन्द नगरपालिकाले संखुवासभाको सभापोखरी गाउँपालिकालाई ३–१ को सेटमा पराजित गर्दै उपाधि कव्जा गरेको हो । उपाधीको दावेदार बन्न षडानन्द नगरपालिका र सभापोखरी गाउँपालिका फाइनलमा पुगेका थिए ।
सभापोखरी गाउँपालिका दोस्रो स्थानमा नै चित्त बुझाउन बाध्य भए । त्यसैगरि बिहिबार नै भएको तेस्रो स्थानको लागि सम्पन्न खेलमा खाँदबारी नगरपालिकालाई सोझो सेटमा हराउँदै आयोजक मकालु गाउँपालिकाले तेस्रो स्थान हासिल गरेको छ भने खाँदबारीले सान्त्वना स्थानमा चित्त बुझाए ।
१६ गते देखि शुरु भएको प्रतियोगिताका विजेताले नगद १ लाख ६० हजार, ट्रफि, मेडल र प्रमाणपत्र प्राप्त गरेका गरे । भने उपविजेताले नगद ९४ हजार, ट्रफि, मेडल र प्रमाणपत्र प्राप्त गरे । त्यसैगरि तेस्रो र सान्त्वना हुने मकालु र खाँदबारीले क्रमश : नगद पुरस्कार ४४ हजार र २२ हजार सहित ट्रफि, मेडल र प्रमाणपत्र प्राप्त गरेका थिए ।
उनीहरुलाई एक कार्यक्रममा प्रतिनिधीसभाका साँसद दिपक खडकाले पुरस्कार वितरण गरेका थिए। सोही कार्यक्रमको अवसरमा मकालु गाउँपालिका क्षेत्रमा महत्वपूर्ण योगदान गर्नेहरुलाई समेत ७३ संघसंस्था र ब्यक्तिहरुलाई सम्मान गरेका थिए । मकालु गाउँपालिकाको मुख्य प्रायोजनमा कार्यक्रममा स्थानीय द नर्थ बरुण युथ क्लबले आयोजना गरेको हो ।
कार्यक्रममा आज बिहिबार साँझ चर्चित गायिका मिलन नेवार लगायतको साँगितिक प्रस्तुती समेत रहेको छ ।
