संखुवासभा । संखुवासभाको १८ वटा नाम चलेका फुटबल क्लबहरुलाई खेल सामग्रीहरु हस्तान्तरण गरिएको छ ।
कोशी प्रदेश फुटबल समितिका उपाध्यक्ष शिव न्यौपाने संखुवासभाका फुटबल क्लवहरुलाई खेलकुद सामग्री उपलब्ध गराएका हुन् । सोमबार खाँदबारीमा एक कार्यक्रमको आयोजना गरि जिल्ला फुटबल संघमा आवद्ध १८ क्लवलाई फुटबल र टिसर्ट उपलब्ध गराएका हुन् ।
संखुवासभाका ८ वटा ए डिभिजन फुटबल क्लव र १० वटा बि डिभिजन क्लवहरुलाई दुई दुई थान फुटबल र एक एक थान टिसर्ट उपलब्ध गराएको हो। क्लवहरुसँगै खेलकुद सम्बद्ध विभिन्न ब्यक्तिहरु तथा संस्थाहरुलाई समेत टिसर्ट उपलब्ध गराएका छन् ।
कार्यक्रमका प्रमुख अतिथी खाँदबारी नगरपालिका मेयर महेश थपलियाको प्रमुख आतिथ्यता तथा एन्फा लिगका केन्द्रीय कमिटिका उपाध्यक्ष गौरिमान राईको उपस्थितिमा खेलकुद सामग्री हस्तान्तरण गरिएको हो । जिल्ला फुटबल संघको संयोजनमा कार्यक्रमको आयोजना गरिएको हो ।
कार्यक्रमका प्रमुख अतिथि महेश थपलियाले खेलकुद सामग्री उपलब्ध गराएकोमा आभार ब्यक्त गरेका छन् । यो कार्यले जिल्लाका खेलालीहरुलाई हौसला मिल्ने उनले बताए । फुटबल खेलाडीहरुका लागि जिल्लामा प्रशिक्षकको आवश्यकता रहेकोले सम्बन्धित निकायबाट उपलब्ध हुने प्रशिक्षणमा संखुवासभालाई पनि विशेष महत्व राख्नु पर्ने समेत थपलियाले बताए ।
फुटबल संघ कोशी प्रदेशका उपाध्यक्ष न्यौपानेले गत बर्ष पनि खेलकुद सामग्री उपलब्ध गराएको थियो । खाँदबारी नगरपालिका–३ मानेभञ्ज्याङ्ग घर भएका न्यौपाने विगतमा एड्भान्स क्लव मानेभञ्ज्याङमा आवद्ध छन् ।
