संखुवासभा । तेक्वान्दोका अन्तर्राष्ट्रिय तथा राष्ट्रिय पदक विजेता खेलाडी गृह जिल्ला संखुवासभामा सम्मानित भएका छन् ।
तेक्वान्दोका राष्ट्रिय खेलाडी प्रेमबहादुर लिम्बु गृह जिल्लामा सम्मानित भएका हुन् । तेक्वान्दोका राष्ट्रिय खेलाडी लिम्बुलाई आइतबार सदरमुकाम खाँदबारीमा एक कार्यक्रम गरी सम्मानित गरिएको जिल्ला तेक्वान्दो संघ संखुवासभाका अध्यक्ष लक्ष्मण लिङ्थेपले बताए ।
राष्ट्रिय खेलाडी लिम्बुलाई खाँदबारी नगरपालिका मेयर महेश थपलियाले सम्मानपत्रका साथै दोसल्ला ओढाएर सम्मान गरेका थिए । खेलाडी सम्मान कार्यक्रममा बोल्र्दै मेयर थपलियाले खेलको विकास खेलाडीलाई सम्मान सहयोग गर्नुपर्ने बताए । उनले खेल क्षेत्रलाई अगाडी बढाउन जिल्लाका १० वटै पालिकाको सहकार्य आवश्यक भएको थपलियाले बताए ।
