संखुवासभा । जिल्लाको सदरमुकाम खाँदबारीमा नेपाल बैंक लिमिटेडको एटिएम सेवा सुरु भएको छ भने एक कार्यक्रम बीच खाँदबारी नगरपालिकाका मेयर थपलियाले उद्घाटन गरे ।
बुधबार खाँदबारीमा नेपाल बैंक लिमिटेड शाखा कार्यालय खाँदबारीले एटिएम सेवा संचालन ल्याएको छ । बैंकले सदरमुकाम स्थित खाँदबारीमा पहिलो पटक एटिएम सेवा सञ्चालनमा ल्याएको हो । सो एटिएम सेवा संचालनमा आएपछि खाँदबारीमा आउने आन्तरिक र बाह्य पर्यटकलाई सहज हुने मेयर थपलियाले बताए ।
एटिएम सेवा संचालनमा आएपछि खल्तीमा पैसा बोक्नुपर्ने समस्या हट्ने नेपाल बैंक लिमिटेड शाखा कार्यालय खाँदबारीका प्रमुख अरुण राजबंशी बताए । कार्यक्रममा वडा नम्बर १ का वडाध्यक्ष निरञ्जन श्रेष्ठ, उद्योग बाणिज्य संघका अध्यक्ष कृष्णभगत प्रधान, उद्योगी ब्यापारी लयायत विभिन्न संघ संस्थाका प्रमुख तथा प्रतिनिधिहरुको सहभागीता रहेको थियो ।
यहाँ एटिएम सेवा संचालनमा आएपछि स्थानीयवासीसमेत हर्षित भएका छन् । जिल्लामा नेपाल बैंकको पहिलो एटिएम सेवा हो ।
