संखुवासभा । प्रेस सेन्टर नेपाल जिल्ला समन्वय समिति संखुवासभाले प्रेस सेन्टर नेपालको २० औं स्थापना दिवस मनाएको छ ।
सोमबार सदरमुकाम खाँदबारीमा स्थापना दिवसको अवसरमा प्रेस सेन्टरले शुभकामना आदानप्रदान कार्यक्रम आयोजना गरेको हो ।
प्रेस सेन्टर नेपाल जिल्ला समन्वय समिति संखुवासभाका अध्यक्ष अनिष विष्टको अध्यक्षतामा भएको कार्यक्रममा जिल्लाका नेकपा माओबादी केन्द्रका नेताहरु र पत्रकारको उपस्थिति रहेको थियो ।
कार्यक्रमका प्रमुख अतिथि नेकपा (माओवादी केन्द्र) जिल्ला समन्वय समिति संखुवासभाका संयोजक टेकमान राईले शुभकामना मन्तव्य राखे ।
त्यसैगरी पत्रकार महासंघ अध्यक्ष इन्द्र गिरी, महासंघका संस्थापक अध्यक्ष डा.मात्रिका तिम्सिना, नेपाल राष्ट्रिय कर्मचारी संगठन निजामतीका जिल्ला अध्यक्ष भोला राई, खाँदबारी–६ वडा अध्यक्ष अर्जुन तामाङ, प्रेस युनियन जिल्ला सभापति दिपेन्द्र शाक्य, फोनिज जिल्ला अध्यक्ष नवीन गुरुङले स्थापना दिवसको शुभकामना मन्तव्य दिएका थिए ।
कार्यक्रममा सामाजिक अभियान्ता वविता कटुवाल, पत्रकार महासंघ उपाध्यक्ष कृष्णराज शाक्य, बरुण बहुमुखी क्याम्पसका व्यवस्थापन समितिका सदस्य हरी कटुवाल लगायतको उपस्थिति रहेको थियो । शुभकामना आदानप्रदान कार्यक्रम समितिका सचिव भविन कार्कीले सञ्चालन गरेका थिए ।
