संखुवासभा । जिल्लाको खाँदबारी–तुम्लिङटार कोशी राजमार्ग सडक खण्डमा दुई वटा भ्यान ठोकिँदा १२ जना घाइते भएका छन् ।
सोमबार दिउँसो पौने ३ बजेतिर खाँदबारी नगरपालिका–९ को कार्की टोलमा दुई वटा भ्यान ठोकिँदा चालकसहित १२ जना घाइते भएका जिल्ला प्रहरी कार्यालय संखुवासभाका प्रहरी निरीक्षक रामकुमार लामिछानेले बताए । घाइतेहरूको उपचार भइरहेको छ ।
एउटा भ्यानका चालक मकालु गाउँपालिका–५ का ४५ वर्षीय लाक्पा गुरुङलाई प्रहरीले पक्राउ गरेको छ । अर्को भ्यानका चालक भोजपुर षडानन्द नगरपालिका–८ का रितेश श्रेष्ठ घाइते भएकोमा उपचार भइरहेको छ ।
