संखुवासभा । जिल्लाको धर्मदेवी नगरपालिका–४ का रामबहादुर अधिकारी लगायत ३ जना लागूऔषध सहित पक्राउ परेका छन् ।
जिल्ला प्रहरीका प्रहरी निरीक्षक रामकुमार लामिछानेका अनुसार रामबहादुरले घरमा लागूऔषध कारोबार गरेको विशेष सूचनाको आधारमा इलाका प्रहरी कार्यालय चैनपुरले उनीहरुलाई आइतबार पक्राउ गरेको हो ।
पक्राउ पर्नेमा धर्मदेवी नगरपालिका–४ केशव घिमिरे र मादी नगरपालिका–६ का देबेन्द्र थापालाई जाँच गर्ने क्रममा लागुऔषध अफिम सहित पक्राउ गरेको जनाएको छ ।
उनीहरुको साथबाट १२ दशमलब ३९० ग्राम लागुऔषध अफिम फेला परेकाले प्रहरीले नियन्त्रणमा लिई अनुसन्धान भइरहेको जिल्ला प्रहरी कार्यालय संखुवासभाले जनाएको छ ।
