संखुवासभा । राष्ट्रिय प्रजातन्त्र दिवसको अवसरमा संखुवासभामा विभिन्न कार्यक्रमहरु आयोजान गरिने भएको छ ।
प्रजातन्त्र दिवस मुलसमारोह समितिले विभिन्न कार्यक्रमहरुको आयोजना गर्ने निर्णय गरेको हो । खाँदबारीमा सोमबार बसेको सर्वपक्षिय बैठकले आगामी फागुन ६, ७ र ८ गते विविध कार्यक्रमका साथ दिवस मनाउने निर्णय गरेको हो ।
उक्त दिनहरुमा जिल्लास्थित सम्पूर्ण राजनितिक दल, कार्यालय, संघसंस्था र प्रतिष्ठानहरुमा सरसफाई गर्ने र साँझ घर-घरमा दिपप्रज्वलन गर्न सबै जिल्लाबासीहरुलाई अनुरोध गर्ने निर्णय गरेको छ । फागुन ७ गते संखुवासभा जिल्ला समारोह समितिको संयोजन तथा संखुवासभा उद्योग बाणिज्य संघको सह–संयोजनमा खाँदबारी अस्पतालका बिरामीहरुलाई फलफुल बितरण त्यसपछि नेपाल रेडक्रस सोसाइटीले रक्तदान कार्यक्रमको आयोजना गर्ने निर्णय भएको छ ।
साँझमा खाँदबारीको पोखरीपार्कमा सामुहिक दिपप्रज्वलनको कार्यक्रम राखिएको जिल्ला समन्वय समितिका उपप्रमुख बबिता खत्रीले जानकारी दिइन् ।
कार्यक्रममा राजनितिक दलको तर्फबाट नेपाली कांग्रेसका कार्यबाहक सभापति अनन्तकुमार गौलीले शुभकामना मन्तब्य दिर्दै नेपाली जनताहरुको ठूलो त्याग र बलिदानीबाट प्राप्त लोकतान्त्रिक गणतन्त्रको रक्षाका लागि सबै पक्षले दृढताका साथ आफुलाई सच्याउँदै जनताको पक्षमा काम गर्नूपर्ने बताए ।
कार्यक्रममा प्रमुख जिल्ला अधिकारी बिनोदकुमार खड्का, विभिन्न कार्यालय, राजनितिक दल, संघसंस्थाका प्रमुख तथा प्रतिनिधी र संचारकर्मीहरुको उपस्थिति रहेको थियो ।
