संखुवासभा । शुक्रबार राजावादीको प्रदर्शनका क्रमश काठमाडौंको तीनकुनेमा पत्रकार सुरेश रजक र विभिन्न संचार माध्यममाथी भएको आक्रमणको विरोधमा नेपाल पत्रकार महासंघ संखुवासभा शाखाले विरोधसभाको आयोजना गरेको छ ।
शनिबार दिउँसो खाँदबारी चाँदनीचौंकमा नेपाल पत्रकार महासंघ संखुवासभा शाखाले विरोध सभा कार्यक्रमको आयोजना गरेको हो । समाचार संकलनको लागि खटिएको पत्रकारको हत्या भएको र आमसञ्चार माध्यममा आक्रमण गरिएको विरोधमा संखुवासभाका पत्रकारहरु आन्दोलित भएका हुन् । पत्रकारले स्वतन्त्र पत्रकारिता गरिरहँदा पत्रकारलाई टार्गेट गरेर हत्या, कुटपिट र संचार संस्था माथिको आक्रमण निन्दनीय भएको पत्रकार महासंघ संखुवासभाको भनाइ छ ।
विरोध सभालाई सम्बोधन गर्दै अग्रज पत्रकार भोलानाथ गौलीले पत्रकारहरु सधैं छिटो र नयाँ ताजा समाचार बेक्रिङ गर्ने उद्धेश्यले कर्ममा खटिने गरेको बताउर्दै त्यही पत्रकार माथि आन्दोलित समुदायले टार्गेटमा राख्नु दुःखत भएको बताए । उनले रिर्पोटिङमा खटिएका पत्रकारको हत्या गरिनुले राज्य कता जाँदैछ, नागरिकको सुरक्षाको प्रत्याभूति कसरी हुने भन्ने प्रश्न रहेको बताए ।
त्यसैगरि विरोधसभालाई सम्बोधन गर्दै नेपाल पत्रकार महासंघ संखुवासभाका अध्यक्ष कृष्णराज शाक्यले राजनीतिक मुद्दाका आडमा पत्रकार र संचार माध्यममाथीको आक्रमण नियोजित रुपमा भएको बताए । उनले पत्रकार, संचारगृह र आम नागरिकका सम्पत्ति माथिको आक्रमण गर्न बन्द गर्नुपर्ने बताउर्दै वार्ताबाट सहमती र निष्कर्ष निकालिनु पर्नेमा जोड दिए ।
पत्रकार हत्याको दोषी माथि कानुनी कारबाहीको दायरामा ल्याउनुपर्ने माग गर्दै मृतक पत्रकारको परिवारलाई राज्यले राहत सुविधा दिनुपर्ने अध्यक्ष शाक्यले माग गरे । आमनागरिक र क्षति पुगेको संचार माध्यमहरुलाई राज्यले सहयोग गर्नुपर्ने अध्यक्ष शाक्यको भनाइ थियो ।
शुक्रबार भएको राजावादीहरुको आन्दोलनमा एभिन्युज टेलिभिजनमा कार्यरत पत्रकार सुरेश रजकको मृत्यु भएको थियो । रजकले भिडियो खिचिरहेको घरमा राजावादी प्रदर्शनकारीहरूले आगो लगाएका थिए । उनको त्यही जलेर मृत्यु भएको थियो ।
विरोधसभा कार्यक्रममा संखुवासभाका अग्रज पत्रकारहरुका साथै वर्तमान क्रियाशील पत्रकारहरुको सहभागीता रहेको थियो । कार्यक्रम पत्रकार महासंघका सचिव नवीन गुरुङले संचालन गरेका थिए ।
