संखुवासभा । संखुवासभाको सदरमुकाम खाँदबारी देखि किमाथांका कोसी कोरिडोरको काम गर्दै आएको उत्तरदक्षिण कोसी सडक कार्यालय सम्मानित भएको छ ।
आर्थिक बर्ष २०८१/८२ मा उत्कृष्ट कार्यसम्पादन गरेको भन्र्दै भौतिक पूर्वाधार तथा यातायात मन्त्रालयले उत्तरदक्षिण कोसी सडक कार्यालयलाई प्रसंसापत्रद्धारा सम्मान गरेको हो । उच्च प्रगति तथा कार्यसम्पादन हासिल प्राप्त गर्न सफल भएको भन्र्दै भौतिक पूर्वाधार मन्त्री देवेन्द्र दाहालले २३ साउनमा एक कार्यक्रम बीच कार्यालय प्रमुख रामबहादुर गुरुङलाई प्रसंसापत्रद्धारा सम्मानित गरेको हो ।
खाँदबारी—किमाथांका १६२ किमि सडकको काम उत्तरदक्षिण कोसी सडक कार्यालयले गर्दै आएको छ । ०६५/६६ सालमा खाँदबारीमा कार्यालय स्थापना भई किमाथांका नाका छिचोल्ने काम शुरु भएको हो । विगतको तुलनामा कार्यालय प्रमुखको रुपमा गुरुङ आएपछि कामले प्रगति गरेको मन्त्रालयको मुल्याङकन छ । कार्यालय प्रमुखको रुपमा गुरुङ आएको छोटो समयमा नै खाँदबारी—नुम ३९ किमि कालोपत्रेको कामले गति लिएको छ ।
हालसम्म पहिलो खण्डमा लबिङहिल–अरुणथान सम्म कालोपत्रे भएको छ भने दोस्रो खण्ड अन्तर्गत कब्दाने–देउरालीमा कालोपत्रे भएको छ । तीनै वटा खण्डमा सडक चौडा, ग्याबेल र वाल लगायत स्तरोन्नतीको काम भइरहेको कार्यालय प्रमुख गुरुङको भनाइ छ । खाँदबारी—किमाथांका जोडनका लागि बरुण नदीमा पुलको काम सम्पन्न भइसकेको छ भने खाँदबारी—छयाङकुटी लगतकट्टाको लागि सार्वजनिक सूचना प्रकाशित भइसकेको छ ।
पछिल्लो समयमा उत्तरदक्षिण कोसी सडक कार्यालयले राम्रो र प्रगतिउन्मुख काम गरिरहेको स्थानीयहरुको भनाइ छ ।
