खाँदबारी –४
सेकाहा क्लबको अध्यक्षमा सलबहादुर गुरूङ

संखुवासभा । संखुवासभाको खाँदबारी नगरपालिका–४ सेकाहामा रहेको सेकाहा सामुदायिक विकास क्लबको अध्यक्षमा सलबहादुर गुरूङ चयन भएका छन् ।

विहीबार भएको नवौ अधिबेशनले सलबहादुरलाई सर्वसम्मत अध्यक्षमा चयन गरेको हो । ११ सदस्यीय समितिको उपाध्यक्षमा रेखबहादुर गुरूङ, सचिव निरबहादुर थापा मगर, कोषाध्यक्ष टंकबहादुर राई, सहसचिव साजन काफले, सहकोषाध्यक्ष रोहन गुरूङ चयन भएका छन ।

त्यस्तै गरि समितिको सदस्यहरू सरिता गुरूङ, सविन गुरूङ, नन्दबहादुर गुरूङ चयन भएका छन भने २ जना महिला सदस्य समितिको पहिलो बैठकले मनोनित गर्नुपर्ने निर्वाचन समितिका संयोजक विनोद गुरूङले जानकारी दिए ।

०६५ सालमा स्थापना भएको क्लबले खेलकुदका साथै विभिन्न सामाजिक कामहरू गर्दै आएको छ ।